Í gær, miðvikudaginn 24. febrúar var eitt ár liðið frá því að Andabær flutti í nýtt húsnæði. Að því tilefni skreyttum við leikskólann, höfðum opið á milli deilda og skemmtum okkur. Rétt fyrir hádegi hittumst við í salnum til að syngja saman en þá fengum við óvænta heimsókn frá grunnskólanum. Þau fjölmenntu til okkar og sungu afmælissönginn fyrir okkur og með okkur. Þetta var mjög skemmtilegt og gaman var að fá þau í heimsókn. Í kaffitímanum eftir hádegi var búið til langborð frammi á gangi og allir borðuðu saman afmælisköku.