Velkomin á heimasíðu Andabæjar

Leikskólinn Andabær á Hvanneyri í Borgarbyggð er þriggja deilda leikskóli og heita deildarnar Goðheimar, Álfheimar og Hulduheimar.  Einungis eru starfandi tvær deildar við leikskólann núna og er það vegna hagræðingaraðgerða sveitastjórnar.  Núna eru 34 börn í Andabæ.  Á elstu deildinni (Goðheimum) eru 20 börn og á  þeirri yngri (Hulduheimum) eru 14 börn. 

Leikskólinn var í húsnæði við Túngötu 27. á Hvanneyri frá 1991 en þá tók Borgarfjarðarsveit við rekstri hans.  Áður var foreldrarekinn leikskóli starfræktur í því húsnæði sem fékkst hverju sinni.  Byggt var við gamla Andabæ árið 2000 og varð hann þá tveggja deilda leikskóli.  Þann 3. október 2005 var opnuð ný deild við Andabæ.  Íbúð í parhúsi í eigu sveitafélagsins var breytt í deild fyrir yngstu börnin.  Í júní 2006 tók nýtt sameinað sveitafélag, Borgarbyggð við rekstri hans.  Þann 24. febrúar 2009 flutti leikskólinn í nýtt húsnæði að Arnarflöt 2 og er hann þar starfsræktur sem þriggja deilda leikskóli með möguleika á bæta við fjórðu deldinni.